هــــالــــَة الـــهـــَمّ

سأرفق بحالي حالما أتأكــّد من قراءتي لـِ بعضي عنك..!

طفت شمعة أمل ليلي وخيّم واقـع الديجـور
وبانت هالة الهـمّ الثّقيـل اللـي يجاهدنـي
أنا للشعر في دمّي مباني شاهقـه وجسـور
وخيل مسرجاتْ وحمحمة غيـره توعّدنـي
شجر واغصان ملتفّه تعمّق داخلـي بجـذور
وغيمه بالندى حبلـى إذا ضاقـت تواردنـي
واذا بانت على وجهي مخايل بارقات غرور
عبث طفلة شراييني علـى نّفْيـه تساعدنـي
واذا نور الأمل غايب وخانتني بنات النـور
حضنّي طيف ياتي بالحلـم يمّـي ويسندنـي
وهبني في دياجيري قبس شتّت ظلام الجور
وتَرجَم مفـردات غامضـه منّـه تواردنـي
غرز إبرة صفا النّيه بساعد يلتحف بطهـور
سِتَر بين الحنايـا سالفـة ذكـرى تجنّدنـي
أشوفه بين أجفان النواعس كايـن ٍ بشعـور
يمدّ الرّاح لاجيتـه وصـوت الهـمّ فنّدنـي
يطبطب حلمي الباكي ويجبر خاطر ٍ مكسور
ويرسم بالمنى لوحه ولـو حظـي يعاندنـي


..