يالله ترحم خافقٍ غصبٍ سلا

ياللهِ ترحم خافقٍٍ غصبٍ سلا

وتزيد له بالاجر يارب العباد

وتمسح دموعٍ ساربه سالت على
خدّ الرجا تطلب لقا يوم السداد

صدر السحابه إنفطر تسبيح
ياربي تجعل هالمطر نافع


وتغسل قبور احبابنا وتبيح

ناسٍ لها بقلوبنا شافع

كثر الحكي مايبرد القلب لاجاش

وهلّ الدموع يزيد بالقلب ضيقه

روحٍ تعاهدها العنا بْزاد وفراش
مالبوح مسعدها ولايْبلّ ريقه

لاتِسكِت الحلم في بوحي وتتركني
أجدل حنيني قصايد وانقض سكوتك

والله لو الرجا بالصبر يِشركني
ماكنت ابمضي حياتي وانت في موتك

كلِّ ماغنّت على المايد حمامه
غرّد الشوق وحنيني واستمالوا

يا جناح الحلم ودّع بالسلامه
ياغصون الروح ميلي حيثُ مالوا

رفّ الحنين بعينه اليمنى ورفّت عيني

وامي تقول ان الرفيف احيان شوفة غالي

لي غرّدي يـ اطيور غني بالامل وانعيني

مدّي مناقير الوله تطعم جياع آمالي