قصيدة " بالصبر شيمه"
لاتقول إنّ العتب ربّ المفارق
العتب صابون لقلوبٍ سليمه
ولا تقول إنّ الغياب يجيب طارق
الغياب الموت ،والفرقى حريمه
متّ من شوقٍ بقلبي له مطارق
كل ماسجّيــت نبّهني هزيمه
هــلّ دمع ٍ مانــوى عني يفارق
من سحاب ٍ يشبه ل ليل العتيمه
وآترجى والرجـــا كالنجم بارق
ِيدفن سنينٍ مع الذكرى الأليمه
ويرجع احلامٍ غدت بيدين سارق
والرجا بالله وبالرجوى غنيمه
تردّ لي قلبٍ بقلب الحزن غارق
وتاخذ همومٍ على قلبي ِمديمه
واكتبه تذكار بـ شْعورٍ توارق
آتغـــنّى بـِـه واعلّــلني ِسديمه
وآتمـــنى والمنى بالعمـر فارق
والأماني مابقى لي إلاّ هشيمه
ليت يابوحٍ على العادات مارق
تستر جروحٍ لها بالصبر شيمه
الشاعرة هند الفهيد
ليست هناك تعليقات:
إرسال تعليق