قصيدة " سارعي للمجد "
الشعـــــــــــر في لــيــوان قلبي هجّ بيبانه
قلــّـط على دســْـــم المعاني قاصي وْ داني
والحرف يكتب للوطن بوحي على شانه
واكتب على اضفاف المشاعر صافي الواني
اليوم شعــــــري للوطن وارسيت عمدانه
ويحــْـــكيــه تاريخ العروبه عبر الازماني
وغنــّــيت شعري للوطن يامنشد الحانه
لــــــو سارعي حيٍ تغنت عذب الالحاني
يا ســارعي للـمجد علّي الصوت عنوانه
عــــــاش المليك بحب شعبه والد ٍ حاني
ولو حاولت يــــــد العدو تلامس ايمانه
الله يــــــــرد الكيد و يحفظنا من الجاني
ولاصـــارت اعواد المديح تبخّر اعيانه
سيــــرة ابو فهد تفوح بزاكي الايماني
سيــــرة ملك راح العـــطاء تجود بافنانه
لا مـــن تـــــنادت بالوطن آمال وآماني
ورّثه جــــدّه الامــــــــام و قبــل جدانه
حـــكمه وفعـــلٍ مايـــميــــل بعلم وايماني
ابيــض سريـــره بالعـــدل ربي رفع شانه
نســـل الحرار اللي مع المحتاج متفاني
وفــــــق الشريعه قام باركانه واحسانه
بهـــدي الرسول وقبل هديه نهج قرآني
ياموطني لــــــك بالمشاعر ود ّ وامانه
يبــــقى ودادك بالقلوب ايزود وايبــــاني
يا موطني خذ من بياني صافــــي الوانه
واكتب على ضفاف المشاعر صافي الواني
والشعر في ليــــــــوان قلبي هج بــــيبانه
باسمــــى التهاني للوطن والحب عنواني
الشاعرة هند الفهيد
ليست هناك تعليقات:
إرسال تعليق