اتطوّح القلب بين اشتاق ولاّ الفراق
ياحادي الفكر فكّ القيد واعفيني
لانام صبح الفرح / حزن المحاني
أفاق
وكل ما صحى الحلم غفّاه الأرق فيني
أوّاه جرحي عظيم ٍماشفاه العناق
وماظنّ دمع الندم لو صحت يشفيني
مرتاب حبر الورق والحرف حزّ الوثاق
والبوح طفلٍ يتيم وصاح ِ: يكفيني
يالريح عطني القبس بشبّ شمع المساق
أتعبتني كلّ ما بَشعِله تطفيني
كلّ ما نويت السفر عبّدتني بالمشاق
و تْردّني للمنافي / و غدر تنفيني
أعميت عين اللقا والحظّ أمسى محاق
عطر الفرح من سمومك دوم جافيني
مابْقيت لي الاّ الوداع ملوّح
ٍ للرّفاق
والذكريات العتيقه وْ ليت توفيني
