أم الجدايل

أم الجدايل جــــابت اطوال الأشناب

وارجـــــــال وقت اللازمه كالذيابه

ولولا المره ماشفت عمْر ِ بن خطاب

ولا كان بالدنــــــــــيا نبيّ وصحابه

ولاكان به انسان ، واقرأ ولا اكتاب

ولا كان بالعالم سليــــــــــل النجابه

مْحـــــــمد بها بالبرّ وصّى ولاطاب

من عقّـــــــــــها يافاهم ٍ بالخطابه

شقيقة ارجال ٍ ، هـــــوى كلّ طلاّب

مـــــحفوظة ٍ عن كلّ غيّ وسبابه

يستاهله رجّال للصــــــــيت كسّاب

ويســـتاهله سيف ٍ على الذل ّ نابه

رجل ٍ مهــــــابه ، للمناعير عرّاب

لكن من اللي يســـــتحقّ المهابه ؟