قل للذي أهمل حياته ودينه
وش ينتظر لاراح عمره بلا زاد
وضاعت سنين العمر والحال طينه
وروحه تنازع والحشا جرح وقـّـاد
الليل يرقد في ثياب المدينه
والهمّ في قلبه على الدوم رقّاد
محروم بالدنيا ونفسه سجينه
مايتـّقي ربه على الاثم معتاد
ضيـّع عياله وما رحم والدينه
والمال لـ اسمومه زرافات وآحاد
وراح العمر بمخدرات وغبينه
عقله غدا والروح للموت تنقاد
لامن فِقــَـد سمّه تسمّع ونينه
ولامن تعاطى به كما الطير منصاد
وعدوّ دين الله فتل ساعدينه
مامدّ له خيرٍ ولا بالرجا فاد
إيدسّ له سم ٍ يحزّ بوتينه
وللتهلكه قاده ألا بئس من قاد
وقل للذي أهمل حياته ودينه
وش ينتظر لاراح عمره بلا زاد
إرجع تعال لدرب منجي السفينه
درب ٍيسوق الخير للخير ميعاد
الدين محتاجك يدينه وعينه
تخدمه وبروحك وتحييه بجهاد
وهذا الوطن تبقى عيونه / يدينه
لاصاح ماغيرك مواثيق واعماد
