شكّيت بعيون العواذل سكاكين
واسدلت من جفن الليالي ستاره
واصغيت لاصداء المشاعر بتدوين
وللشعر في قلبي عيون وشراره
والشوق فيني يحطب القلب ويدين
ويشبّ بضلوعي من الهم ناره
ياللي تلوم الروح بالشعر ، عن مين ؟
لاتبهت احساسي وتهدر بذاره
عدّ الحنين إن جاب غايب يعزّين
وعِدّ المعزّي بياخذ إن حنّ كاره
ويافيلق الذكرى تعالوا ،على وين؟
زفّوا على قلب الحزينه البشاره
جيبوا لها من ريحة الدار روحين
ريح الحنين وريح جدّه وداره
وإن كان باقي له من الشوق قوسين
فالقلب ع ابوابه جنود وخفاره
والعمر يدفنّا على مود بعدين
يارب ماتنفد سنينه خسارة
